ಎಳನೀರು ದರ ವರ್ಷಾಂತ್ಯದಲ್ಲಿ 100 ರೂ.ದಾಟುವ ಆತಂಕ
ಮಂಗಳೂರು: ಬಿಸಿಲ ಬೇಗೆ ಒಂದೇ ಸಮನೆ ಏರಿಕೆಯಾಗುತ್ತಿದ್ದಂತೆ ತಂಪು ಪಾನೀಯಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಈ ಮಧ್ಯೆ ಎಳನೀರು ಆರೋಗ್ಯದಾಯಕ ಪಾನೀಯ, ತೆಂಗಿನಕಾಯಿ ಸಹ ಉತ್ಪನ್ನಗಳ ಉತ್ಪಾದನೆ ಶೇ.40ರಷ್ಟು ಹೆಚ್ಚಾಗಿದೆ. ಇದರ ಪರಿಣಾಮ 40- 45ರ ಆಸುಪಾಸಿನಲ್ಲಿದ್ದ ಎಳನೀರು ದರ ದಿಢೀರ್‌ ಆಗಿ 20ರಿಂದ 25 ರೂ. ವರೆಗೆ ಏರಿಕೆಯಾಗಿದ್ದು, 65 ರೂ. ದರದಲ್ಲಿ ಮಾರಾಟವಾಗುತ್ತಿದೆ. ವರ್ಷಾಂತ್ಯದಲ್ಲಿ ಈ ದರ ಶತಕ ದಾಟುವ ಆತಂಕವಿದೆ.
ಕರಾವಳಿ ಭಾಗಕ್ಕೆ ತಮಿಳುನಾಡು, ಕೇರಳ, ರಾಜ್ಯದ ಮಂಡ್ಯ, ತುಮಕೂರು ಭಾಗದಿಂದ ಎಳನೀರು ಸರಬರಾಜಾಗುತ್ತಿತ್ತು. ಆದರೆ ಮಹಾರಾಷ್ಟ್ರ, ಹೊಸದಿಲ್ಲಿಗಳಲ್ಲಿ ನಾನಾ ಕಾರಣಗಳಿಂದ ಬೇಡಿಕೆ ಹೆಚ್ಚಿದ ಹಿನ್ನೆಲೆಯಲ್ಲಿ ನಿರೀಕ್ಷಿತ ಪ್ರಮಾಣದಲ್ಲಿ ಕರಾವಳಿ ಭಾಗಕ್ಕೆ ಎಳನೀರು ಸರಬರಾಜಾಗುತ್ತಿಲ್ಲ. ಹೀಗಾಗಿ ಮಾರಾಟಗಾರರಿಗೆ ಸೂಕ್ತ ಸಮಯ ಬೇಡಿಕೆ ಇರುವಷ್ಟು ಎಳನೀರು ಸಿಗುತ್ತಿಲ್ಲ.
ಕಳೆದ 2 ವರ್ಷದಿಂದ ತೆಂಗಿನ ಫಸಲಿನಲ್ಲಿಇಳಿಕೆ, ಎಳನೀರು , ತೆಂಗಿನಕಾಯಿಯಿಂದ ಐಸ್‌ಕ್ರೀಂ, ಚಾಕ್ಲೆಟ್‌ ಸೇರಿದಂತೆ ಸಹ ಉತ್ಪನ್ನಗಳು ಶೇ.40ರಷ್ಟು ಹೆಚ್ಚಳ, ಶುದ್ಧ ಕೊಬ್ಬರಿ ಎಣ್ಣೆಗೆ ಬೇಡಿಕೆ, ಎಳನೀರಿಗೆ ಬೇಡಿಕೆ ಹೆಚ್ಚಳ ಸೇರಿದಂತೆ ನಾನಾ ಕಾರಣಗಳಿಂದ ಎಳನೀರು ದರ ಹೆಚ್ಚಾಗಿದೆ. ತೆಂಗಿನಕಾಯಿ, ಕೊಬ್ಬರಿ ದರವೂ ಏರಿಕೆಯಾದ ಕಾರಣ ತೆಂಗಿನ ದರ ಏರಿಕೆಯಾಗುತ್ತಿದೆ.
ಕಾಮೆಂಟ್ ಬಿಡಿ